«Ақыл айтпа, жол көрсет!» тақырыбында кезекті ата -аналар жиналысы

№54 жалпы орта білім беретін мектебінде  ата-аналар жиналысы өтті.  

7 «В» сынып жетекшісі

 Г.К. Барлыбаева «Ақыл айтпа, жол көрсет!» тақырыбында кезекті ата -аналар жиналысын өткізді.

 Ата-аналар жиналысының мақсаты: ата-аналар мен ұстаз арасындағы жылы қарым- қатынасты орнату, бірлесе отырып, балалардың тәртібі мен оқуын қадағалап олардың өмірде жеке тұлға болып қалыптасуына ықпал ету. 

Жиналыста тәрбие мен құндылықтар мәселелеріне ерекше назар аударылды. Ата-аналарға мектеп пен ата-аналардың әр баланың қалыптасуындағы, оның әлеуетін арттырудағы бірлескен жұмысының маңыздылығы туралы еске салынды.

Ата-аналарға "Жасөспірімнің желідегі әрекеті" туралы айтылды.

Интернет бала өмірінің маңызды бір бөлігіне айналуда. Зерттеу нәтижесіне сәйкес, балалардың 5%-ы желіге алғаш рет төрт жаста, кей жағдайда тіпті одан да ерте жаста кіреді. Ал 9-10 жас аралығындағы балалардың 60%-ы және 11-12 жас аралығындағы балалардың 66%-ы әлеуметтік желілер мен ойын платформаларында өз аккаунттарына ие.

Ең алаңдатарлық тұжырымдардың бірі − балалардың 15,3%-ы күнделікті, апта сайын немесе кем дегенде айына бір рет интернетте жағымсыз контентпен бетпе-бет келеді. Ол балалардың 11,7%-ы қатты күйзеліске ұшыраған. Бұл мәселе жас ұрпақ арасында киберқауіпсіздікті күшейтудің тез арада қолға алынуы керек екенін көрсететінін айтты.

Мектепте сабақ уақытында оқушылардың мектеп формасы,  санитарлық жеке гигиеналық жағдайын сақтап жүруге шақырды. 

Мектептегі құқықбұзушылықтың алдын алу тақырыбы бойынша  мектеп форма, мектептегі өзін-өзі ұстау әдебі, түнгі рейд, электрондық темекі тыйым салынатыны туралы айтты.

Жиналыстың соңында ұстазбен, ата-аналар арасындағы кері байланыс жасалды.